مــــع السلامـــــــــــــــه ..

لا صرت بايعني اشوفك على خير مع السلامه دام ما به سلامه

قلت انتهينا قلت لك خير يا طير ماني بأول شخص يخسر غرامه

محذركـ من قبلها ألف تحذيـر لا عفتني بيعيف قلبي هيـامـه

ما ني بميت لا ولا أحتاج تبرير صح الله لسانك و وفر كلآمه

بسمعك حبكه وفكره وتصوير وفهم عدل يا مدعي بالفهامه

وجه الشعر ابيض ويحتاج تغيير ودي تزين هالقصيده علامه

ماضيك الاسود بذكره دون تقصير كذا يكون بخذ هالشعر شامه

يصدق معي تعبير ويخون تعبير يا ضيعت الشاعر بوقت انسجامه

يمكن خطا ادونك باشعر مير لو ما أحترمتك للغرام أحترامه

ما كان حبك غير بس طعنتك غير علمتني معنى الندم والندامه

ما جاك مني أي زله وتقصير كل ما خطيت أعاتبك ببتسامه

حسبي على الذكرى اذا هبت عصير ما عاد تنفع شرهتي و الملامه

البال ضامي وقتها والحزن بير خسرتك وهمي **بت أهتمامه

و الليل لازعلك كذا جاني مغير ظلمتني وكثر ظلمني ظلامه

لقبل عليه أوحيت صوت المسايير وفزيت كل ضيف(ن) نقوم بمقامه

وليا عزم هاليل ضبقه وتفكير قلي بربك كيف أقدر أنامه !!

ما فيه داعي للعتب و المعاذير الغدر خال الجرح واطيب عمامه

اما يجيب الله مطر تاليه خير ولا السلامه ماش مامن سلامه ..!